Բավարիան դիտարկում է Ռեալի պաշտպանին՝ որպես Ալաբային փոխարինողի

Համաձայն Goal-ի տեղեկատվության՝ «Ռեալի» պաշտպան Էդեր Միլիտաոն կարող է տեղափոխվել «Բավարիա»։

Մյունխենյան ակումբը դիտարկում է բրազիլացի պաշտպանին ձեռք բերելու տարբերակներ։ Նշվում է, որ գերմանացիները ցանկանում են ձեռք բերել Միլիտաոյի տրանսֆերային իրավունքները՝ որպես Դավիդ Ալաբային փոխարինողի։ Ավելի վաղ հայտնի է դարձել, որ ավստրացի պաշտպանը «Բավարիայի» հետ նոր պայամանգիր չի կնքելու և ամռանը հեռանալու է ազատ գործակալի կարգավիճակով։

Ենթադրվում է որ անձամ ինքը՝ Միլիտաոն, նախընտրում է խաղալ Զինեդին Զիդենի գլխավորությամբ, սակայն ցանկանում է ավելի շատ խաղաժամանակ ստանալ։

Նշվում է նաև, որ կապված ֆինանսական դժվարությունների հետ՝ դժվար կլինի Միլիտաոյի տեղափոխությունը «Բավարիա» ձմեռային տրանսֆերային պատուհանի ժամանակ։

Ընթացիկ մրցաշրջանում «սերուցքայինների» կազմում բոլոր խաղերը միասին վերցրած՝ 22-ամյա պաշտպանը մասնակցել է ընդամենը 3 հանդիպման։