«Բավարիայի» պատմության ամենաերիտասարդ ֆուտբոլիստը հեռացավ ակումբից
ՊՍՎ-ն գնել է «Բավարիայի» կիսապաշտպան Պաուլ Վաների տրանսֆերը, հայտնում է Նիդերլնանդերի չեմպիոնի պաշտոնական կայքը։
Կողմերը պայմանագիրը ստորագրել են մինչև 2030 թ. հուլիսի 1-ը։
Trasfermarkt-ի տվյալներով` Էյնդհովենը ներկայացնող ակումբը գերմանացի ֆուտբոլիստի տեղափոխության համար մյունխենյան գրանդին վճարել է 15 միլիոն եվրո։
Վաները «Բավարիայում» նորամուտը նշել է 16 տարեկան և 15 օրականում։ Նա ակումբի պատմության ամենաերիտասարդ ֆուտբոլիստն է։
Բացի այդ, 19-ամյա ֆուտբոլիստը նաև Գերմանիայի Բունդեսլիգայի պատմության երկրորդ ամենաերիտասարդ ֆուտբոլիստն է ու զիջում է միայն Յուսուֆա Մուկոկոյին («Բորուսիա Դորտմունդ», 16 տարեկան, 1 օրական)։
Վաները «Բավարիայի» համակարգում էր 2018 թ. հուլիսից, ակումբի հիմնական թիմում 8 հանդիպման է մասնակցել։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Transfermarkt, Բավարիա, Բունդեսլիգա, Պաուլ Վաներ, ՊՍՎ, տրանսֆերներ