Բայրամյանի դուբլը Ռուբինի դարպասը 🎥

Նոյեմբերի 22-ին Ռուսաստանի Պրեմիեր լիգայի 15-րդ տուրի շրջանակում «Ռոստովը» հյուրընկալվելիս 0։2 հաշվով առավելության հասավ «Ռուբինի» նկատմամբ։

Հյուրերի կազմում դուբլի հեղինակ դարձավ Հայաստանի հավաքականի կիսապաշտպան Խորեն Բայրամյանը։

28-ամյա հայ ֆուտբոլիստն ընթացիկ մրցաշրջանում խփեց իր անդրանիկ գոլերը։ Բայրամյան անվան դիմաց գրանցվել է նաև մեկ գոլային փոխանցում։

Այս հաղթանակից հետո «Ռոստովը» վաստակեց 26 միավոր և բարձրացավ 5-րդ հորիզոնական, իսկ «Ռուբինը» 21 միավորով 10-րդն է։