Ա սերիան նոր հերոս ունի. Ատալանտան հաղթեց Պարմային` գլխավորելով մրցաշարային աղյուսակը 🎥

Իտալական Ա սերիայի 13-րդ տուրում տուրում «Ատալանտան» արտագնա խաղում մրցեց «Պարմայի» դեմ։

Բերգամոն ներկայացնող ակումբը հերթական տպավորիչ հանդիպումն անցկացրեց` հաղթելով 3:1 հաշվով։

Ջան Պիերո Գասպերինիի գլխավորած թիմից մեկական գոլ խփեցին Մատեո Ռետեգին, Էդերաոնն ու Ադեմոլա Լուքմանը։ «Պարմայից» աչքի ընկավ Մատեո Կանսելիերին։

«Ատալանտան» Ա սերիայում տարավ 7-րդ անընդմեջ հաղթանակը, վաստակեց 28 միավոր և գլխավորեց մրցաշարային աղյուսակը։ 28 միավոր ունի նաև գործող չեմպիոն Միլանի «Ինտերը», որը լրացուցիչ ցուցանիշներով երկրորդ տեղում է։ «Պարման» 12 միավորով 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից