Զախարյանը տպավորիչ ռեկորդ է գրանցել՝ շրջանցելով  Ռաուլին ու Բալոտելիին

Զախարյանը տպավորիչ ռեկորդ է գրանցել՝ շրջանցելով Ռաուլին ու Բալոտելիին

26/03/2021 - 16:26

Ռուսաստանի Մ-21 տարեկանների հավաքականը Եվրոպայի երիտասարդական առաջնության 1-ին տուրի շրջանակում 4։1 հաշվով վստահ հաղթանակ տարավ Իսլանդիայի իրենց գործընկերների նկատմամբ։ Այդ հանդիպմանը Ռուսաստանի հավաքականի կազմից հանդիպման 45+2-րդ րոպեին աչքի ընկավ 17-ամյա կիսապաշտպան Արսեն Զախարյանը ՝ հաշվի դարձնելով 3։0։

Հիշեցնենք, որ վերոնշյալ խաղում գոլի հեղինակ է դարձել նաև մեկ այլ հայ ֆուտբոլիստ Նաիր Տիկնիզյանը, ով աչքի է ընկել 42-րդ րոպեին՝ խփելով իր թիմի երկրորդ գոլը։

Ինչպես տեղեկացնում է Transfermarkt.de կայքը, դարձել է Եվրոպայի երիտասարդական առաջնությունների պատմության երբևէ գոլի հեղինակ դարձած ամենաերիտասարդ ֆուտբոլիստը։ Հանդիպման օրը Զախարյանը 17 տարեկան և 9 ամսական էր։

Զախարյանը գերազանցել է բելգիացի Յարի Վերսհարենի ցուցանիշը, ով 2019 թվականի Եվրոպայի Մ-21 տարեկանների առաջնության շրջանակում գոլի հեղինակ էր դարձել 17 տարեկան և 11 ամսական հասակում՝ խմբային փուի շրջանակում գրավելով Իտալիայի հավաքականի դարպասը։

Հավելենք, որ լավագույնների շարքում են նաև «Ռեալի» լեգենդար նախկին հարձակվող Ռաուլը (3-րդ հորիզոնական), ինչպես նաև «Միլանի», «Ինտերի», «Լիվերպուլի» նախկին ֆուտբոլիստ Մարիո Բալոտելին (5-րդ հորիզոնական), ով ներկայումս հանդես է գալիս իտալական Բ սերիան ներկայացնող «Մոնցայի» կազմում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023