«Արսենալը» չկարողացավ հաղթել 10 հոգով խաղացող «Չելսիին» 🎥

Անգլիայի Պրեմիեր լիգայի 13-րդ տուրում «Արսենալն» ու «Չելսին» լոնդոնյան դերբիում ոչ-ոքի (1:1) գրանցեցին։

«Սթեմֆորդ Բրիջ» ստադիոնում կայացած խաղում «ազնվականները» Մոյզես Կայսեդոյի կարմիր քարտից հետո` 38-րդ րոպեից, խաղում էին 10 ֆուտբոլիստով։

Էնցո Մարեսկայի գլխավորած թիմը նույնիսկ 10 ֆուտբոլիստով 48-րդ րոպեին Թրևո Չալոբայի գոլի շնորհիվ բացեց հաշիվը։

«Զինագործների» պատասխան գոլը 59-րդ րոպեին խփեց Միկել Մերինոն։

Հյուրերը խաղավերջում ունիենին առավելություն, բայց չկարողացան հաղոանակ կորզել։

«Արսենալը» 30 միավորով առաջին տեղում է։ Միկել Արտետայի գլխավորած թիմը երկրորդ տեղը զբաղեցնող «Մանչեսթեր Սիթիից» առաջ է այժմ 5 միավորով։ «Չելսին» 24 միավորով երրորդն է։

Հանդիպման գոլերն ու Կայսեդոյի կարմիր քարտը` այստեղ։ Տեսանյութով` քիչ անց։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml