Արթուր Միրանյանը գոլ խփեց և խաղավերջում հաղթանակ պարգևեց Ունիվերսիտատիա Կլուժին 🎥

Ռումինական Սուպերլիգայի 14-րդ տուրում «Ունիվերսիտատիա Կլուժը» մրցակցի դաշտում 2:1 հաշվով կամային հաղթանակ տարավ «Բոտոշանիի» նկատմամբ։

Հյուրերի կազմից 86-րդ րոպեին փոխարինման դուրս մտավ Հայաստանի ազգային հավաքականի հարձակվող Արթուր Միրանյանը և արդեն 88-րդ րոպեին գրավեց մրցակցի դարպասը` հաղթանակ պարգևելով իր թիմին։

28-ամյա ֆուտբոլիստը պաշտոնական խաղերում երկրորդ գոլն է խփել «Ունիվերսիտատիա Կլուժում»։

Իոան Սաբաուի գլխավորած թիմն այդ հաղթանակից հետո 29 միավորով շարունակում է գլխավորել Սուպերլիգայի մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից