Արդա Գյուլերը կրկին վնասվածք է ստացել

Ինչպես հայտնում է «Ռեալ Մադրիդի» պաշտոնական կայքը, ակումբի նորեկ Արդա Գյուլերը ձախ ազդրի մկանային վնասվածք է ստացել։

Ըստ լրագրող Խոսե Լուիս Սանչեսի տեղեկությունների` թուրք ֆուտբոլիստը շարքից դուրս է մնացել նվազագույնը 1 ամսով։

Հաղորդվում է, որ Գյուլերն այդ վնասվածքն ստացել է «սերուցքայինների» հերթական մարզումներից մեկի ժամանակ

Հիշեցնենք, որ 18-ամյա ֆուտբոլիստը սույն թվականի հուլիսին է 20 մլն եվրոյի դիմաց «Ֆեներբախչեից» տեղափոխվել «Ռեալ», սակայն ակումբի կազմում դեռևս որևէ հանդիպում չի անցկացրել։

Գյուլերը դեռևս օգոստոսին մենիսկի վնասվածք էր ստացել` ենթարկվելով վիրահատության։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am