Արգենտինայի հավաքականի ֆուտբոլիստը ծանր վնասվածքի պատճառով բաց կթողնի ԱԱ-2026-ը 📸
«Ստրասբուրգի» և Արգենտինայի ազգային հավաքականի հարձակվող Խոակին Պանիչելին բաց կթողնի աշխարհի 2026թ. առաջնությունը, հայտնում է ինսայդեր Ֆաբրիցիո Ռոմանոն։
«Ալբիսելեստեի» մամուլի ծառայությունը հաստատել է, որ 23-ամյա ֆուտբոլիստը հավաքականի ճամբարում մարզումներից մեկի ժամանակ աջ ծնկի խաչաձև կապանների կտրվածք է ստացել։
Ֆուտբոլիստն իսպանական «Ալավեսում» հանդես գալու ժամանակ 2023/24 մրցաշրջանում նույն վնասվածքի պատճառով արդեն բաց է թողել 185 օր։
Transfermarkt-ի տվյալներով` արգենտինացի հարձակվողն այժմ կբացակայի 280 օր։
Պանիչելին «Ստրասբուրգում» հանդես է գալիս 2025թ. հուլիսից։ Նա 16 գոլով Ֆրանսիայի Լիգա 1-ի ընթացիկ մրցաշրջանի լավագույն ռմբարկուն է։
Պանիչելին 2025թ. նոյեմբերին է նորամուտը նշել Արգենտինայի հավաքականում` մասնակցելով 1 հանդիպման։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml