«Ատալանտան» միավոր կորզեց «Յուվենտուսից»🎥

«Ատալանտան» միավոր կորզեց «Յուվենտուսից»🎥

17/12/2020 - 01:17

Իտալական Ա սերիայի 12-րդ տուրի շրջանակներում Թուրինի «Յուվենտուսը» սեփական հարկի տակ մրցեց «Ատալանտայի» հետ։ Թիմերը խաղաղ ելք կնքեցին՝ միմյանց դարպասն ուղարկելով մեկական գնդակ։

Առաջինը հաջողության հասան Թուրինյան ակումբի ֆուտբոլիստները․ հանդիպման 29-րդ րոպեին իր հաշվին գոլ գրանցեց կիսապաշտպանի դիրքում հանդես եկող Ֆեդերիկո Կիեզան (1:0)։

Երկրորդ խաղակեսի 57-րդ րոպեին Ռեմո Ֆրոյլերը հավասարեցրեց խաղի հաշիվը (1:1)։

«Յուվենտուսի» առաջատար Կրիշտիանու Ռոնալդուն ստացավ իր թիմին առաջ մղելու լավ հնարավորություն, սակայն 11-մետրանոց հարվածից չկարողացավ գրավել մրցակցի դարպասը։

Խաղն այդպես էլ ավարտվեց (1:1)։ «Յուվենտուսն» այս ոչ-ոքիից հետո վաստակեց 24 միավոր և զբաղեցնում է 4-րդ հորիզոնականը, իսկ «Ատալանտան» 18 միավորով 8-րդն է։

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023