Ավստրալիայի բաց առաջնություն. Ավանեսյանի մրցակիցն առաջին փուլում 📸

Կայացել է թենիսի «Մեծ սաղավարտի» տարվա առաջին մրցաշար Ավստրալիայի բաց առաջնության հիմնական փուլի վիճակահանությունը։

Հայաստանը ներկայացնող Էլինա Ավանեսյանն (44-րդ ռակետ) առաջին փուլում մրցելու է մրցաշարի 24-րդ համար Յուլյա Պուտնիցևայի (Ղազխաստան, 25-րդ ռակետ) դեմ։ Կողմերի դիմակայությունը կկայանա հունվարի 12-ին։

Ավանեսյանն ու Պուտնիցևան միմյանց հանդիպել են մեկ անգամ։ 2023 թ. սեպտեմբերի 30-ին ղազախ թենիսիստուհին Պեկինի WTA-1000 շարքի մրցաշարի որակավորման երկրորդ փուլում հաղթեկ է 6-1, 6-4 հաշվով։

Ավանեսյան – Պուտնիցևա զույգի հաջորդ հավանական մրցակիցներն են Մաքարթնի Քեսլերը (ԱՄՆ, 67-րդ ռակետ) և Չժան Շուայը (Չինաստան, 205-րդ ռակետ)։

Հավելենք, որ Ավստրալիայի բաց առաջնության կանանց մենախաղի պայքարը կկայանա հունվարի 12-25-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից