Ասթոն Վիլան իրականացրել է ակումբի պատմության ամենաթանկարժեք տրանսֆերը

«Ասթոն Վիլան» ձեռք է բերել «Էվերթոնի» կիսապաշտպան Ամադու Օնանային։ Բիրմինգհեմը ներկայացնող ակումբի պաշտոնական կայքը հայտնում է, կողմերը 5 տարվա պայմանագիր են կնքել։

Ըստ Transfermarkt-ի` «Վիլան» գործարքի դիմաց մերսիսանդյան ակումբին վճարել է 59,35 մլն եվրո։

Այն դարձել է «Ասթոն Վիլայի» պատմության ամենաթանկարժեք տրանսֆերն ու գերազանցել Մուսա Դիաբիի ռեկորդը։ 2023 թ. ամռանն ակումբը ֆրանսիացի վինգերի տրանսֆերը Լևերկուզենի «Բայերից» գնել է 55 մլն եվրոյով։

Ամադու Օնանան «Էվերթոն» էր տեղափոխվել 2022 թ. օգոստոսին` 72 խաղում դառնալով 4 գոլի ու 3 գոլային փոխանցման հեղինակ։

22-ամյա ֆուտբոլիստը 2022 թ. հունվարից հանդես է գալիս նաև Բելգիայի ազգային հավաքականում, որի կազմում վերջերս մասնակցեց Եվրո-2024-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am