Անտոնիո Կոնտեն շատ մոտ է իտալական գրանդը գլխավորելուն

Անտոնիո Կոնտեն, ամենայն հավանականությամբ, նշանակվելու է «Նապոլիի» գլխավոր մարզիչ։

Ինսայդեր Ֆաբրիցիո Ռոմանոն գրում է, որ իտալացի մասնագետն ու նրա ներկայացուցիչները շատ մոտ են նեապոլյան ակումբի հետ վերջնական համաձայնության հասնելուն։

54-ամյա մասնագետը մինչև 2027 թ. հունիսի 30-ը պայմանագիր է համաձայնեցրել «աձուրիների» հետ։

Սպասվում է, որ Կոնտեի օգնականներից մեկը լինելու է Գաբրիելե Օրիալին, որը երկար տարիներ աշխատել է Իտալիայի հավաքականի և «Ինտերի» համակարգում։

Կոնտեի նշանակման դեպքում, նա դառնալու է «Նապոլիի» պատմության ամենաբարձր վարձատրվող մարզիչը։

Ինսայդեր Նիկոլո Սկիրային հայտնի է դարձել, որ իտալացի մասնագետը «Նապոլիում» վաստակելու է տարեկան 6,5 մլն եվրո աշխատավարձ։ Նա կստանա ևս 2 մլն եվրո հավելավճար, եթե ակումբը նվաճի Չեմպիոնների լիգայի ուղեգիր։ Ես 1 մլն եվրո էլ նախատեսված է Իտալիայի չեմպիոն դառնալու համար։

Նշենք, որ այս տարվա փետրվարից «Նապոլիի» գլխավոր մարզչի ժամանակավոր պաշտոնակատարի պարտականությունները կատարում է Ֆրանչեսկո Կալցոնան։ Կալցոնան համատեղում է նաև Սլովակիայի հավաքականի գլխավոր մարզչի պաշտոնը։

Հավելենք, որ Անտոնիո Կոնտեն 2023 թ. մարտից գործազուրկ է։ Նրա վերջին ակումբը եղել է «Տոտենհեմը»։ Նա աշխատել է նաև «Ինտերի», Իտալիայի հավաքականի, «Չելսիի», «Յուվենտուսի», «Սիենայի», «Ատալանտայի», «Բարիի» և «Արեցոյի» ղեկին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am