Անհավանական թրիլեր Մադրիդում. Ատլետիկոն ֆանտաստիկ comeback արեց Սևիլիայի դեմ խաղում 🎥

Իսպանական Լա լիգայի 16-րդ տուրում Մադրիդի «Ատլետիկոն» սեփական դաշտում մրցեց «Սևիլիայի» դեմ։

Հանդիպումն անցավ պարզապես անհավանական ու թրիլերային սցներով, որն ավարտվեց «հնդկացիների»` 4:3 հաշվով հաղթանակով։

Հաշիվը 10-րդ րոպեին բացեց «Ատլետիկոյի» կիսապաշտպան Ռոդրիգո Դե Պոլը, սակայն հյուրերը ոչ միայն խփեցին պատասխան գոլն, այլև ընդջման գնացին հաղթողի կարգավիճակում. աչքի ընկան Դոդի Լուկեբակիոն ու Այզեկ Ռոմերոն։

57-րդ րոպեին Յան Օբլակը ստիպված էր ևս մեկ գնդակ հանել սեփական դարպասից, որն իր անվան դիմաց գրանցեց անդալուզյան ակումբի պաշտպան Խուանլու Սանչեսը։

Թվում էր, թե Խավիեր Գարսիա Պիեմենտայի գլխավորած թիմը հաղթանակ կտանի, բայց «Ատլետիկոյի» ֆուտբոլիստները կարողացան ֆանտաստիկ comeback անել ու հաղթել 4:3 հաշվով։

Մադրիդյան գրանդից դուբլի հեղինակ դարձավ Անտուան Գրիզմանը, որն իր թիմի հաղթական գոլը խփեց 90+4-րդ րոպեին։ Դիեգո Սիմեոնեի գլխավորած թիմից մեկ անգամ էլ աչքի ընկավ Սամուել Լինոն։

Այսպիսով, «Ատլետիկոն» վաստակեց 35 միավոր և երրորդ տեղում է։ «Սևիլիան» 19 միավորով 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից