Անդրես Ինիեստան ֆուտբոլային ակումբ է ձեռք բերել

«Բարսելոնայի» և Իսպանիայի ազգային հավաքականի նախկին կիսապաշտպան Անդրես Ինիեստան դարձել է դանիական «Հելսինգոր» ակումբի գլխավոր բաժնետեր։

Ինդայդեր Ֆաբրիցիո Ռոմանոն գրում է, որ լեգենդար ֆուտբոլիստը գործարքն իրականացրել է իր ընկերության` «NSN»-ի միջոցով։

NSN-ն էլ բաժնետոմսերը ձեռք է բերել շվեյցարական «Stoneweg» ընկերության հետ համագործակցության շրջանակում։ Կողմերն արդեն ստորագրել են անհրաժեշտ բոլոր փաստաթղթերը։

«Հելսինգորը» հանդես է գալիս Դանիայի երրորդ դիվիզիոնում, 2024/25 մրցաշրջանում 15 խաղում վաստակել է 19 միավոր, 12 թիմերի պայքարում 7-րդ տեղում է։ Ակումբը մարզում է 1998-2002 թթ. «Բարսելոնայի» համակարգում աշխատած Պեպ Ալոմարը։

Հիշեցնենք, որ Անդրես Ինիեստան վերջերս է ավարտել կարիերան։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից