Անգլիայի հավաքականի հայտացուցակն առաջիկա հանդիպումների համար

Անգլիայի ազգային հավաքականի պաշտոնական կայքում հրապարակվել է Ազգերի լիգայի խաղարկության առաջիկա հանդիպումների համար նախատեսված հայտացուցակը։

«Երեք առյուծների» գլխավոր մարզչի ժամանակավոր պաշտոնակատար Լի Կարսլին հրավիրել է հետևյալ ֆուտբոլիստներին.

Դարպասապահներ – Դին Հենդերսոն («Քրիսթալ Փելաս»), Ջորդան Պիկֆորդ («Էվերթոն»), Արոն Ռամսդեյլ («Սաութհեմփթոն»)։

Պաշտպաններ – Տրենտ Ալեքսանդր-Առնոլդ («Լիվերպուլ»), Լևի Քոլվիլ («Չելսի»), Մարկ Գեհի («Քրիսթալ Փելաս»), Լյուիս Հոլ («Նյուքասլ»), Թեյլոր Հարվուդ-Բելիս («Սաութհեմփթոն»), Էզրի Կոնսա («Ասթոն Վիլա»), Ռիկո Լյուիս, Կայել Վոլքեր (երկուսն էլ` «Մանչեսթեր Սիթի»)։

Կիսապաշտպաններ – Ջուդ Բելինգեմ («Ռեալ Մադրիդ», Իսպանիա), Ֆիլ Ֆոդեն («Մանչեսթեր Սիթի»), Կոնոր Գալահեր («Ատլետիկո Մադրիդ», Իսպանիա), Մորգան Գիբս-Ուայթ («Նոթինգհեմ Ֆորեսթ»), Անխել Գոմես («Լիլ», Ֆրանսիա), Կյորտիս Ջոնս («Լիվերպուլ»), Քոուլ Պալմեր («Չելսի»), Դեկլան Ռայս («Արսենալ»)։

Հարձակվողներ – Էնթոնի Գորդոն («Նյուքասլ»), Ջեք Գրիլիշ («Մանչեսթեր Սիթի»), Հարի Քեյն («Բավարիա», Գերմանիա), Նոնի Մադուեկե («Չելսի»), Բուկայո Սակա («Արսենալ»), Դոմինիկ Սոլանկե («Տոտենհեմ»), Օլի Վոթկինս («Ասթոն Վիլա»)։

Նշենք, որ Թեյլոր Հարվուդ-Բելիսը և Լյուիս Հոլն առաջին անգամ են հրավեր ստացել ազգային հավաքականից։

Անգլիացիներն Ազգերի լիգայի խաղարկության B դիվիզիոնի երկրորդ խմբում նոյեմբերի 14-ին հյուրընկալվելիս կմրցեն Հունաստանի դեմ, իսկ նոյեմբերի 17-ին կընդունեն Իռլանդիային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից