Անգլիայի հավաքականի երկու ֆուտբոլիստի հեռացրել են հավաքականից

Անգլիայի հավաքականի երկու ֆուտբոլիստի հեռացրել են հավաքականից

08/09/2020 - 12:22

Անգլիայի հավաքականի ֆուտբոլիստներ Մեյսոն Գրինվուդն ու Ֆիլ Ֆոդենը հեռացվել են հավաքականի ճամբարից և չեն մասնակցելու սեպտեմբերի 8-ին Ազգերի լիգայի երկրորդ տուրի շրջանակում Դանիայի հավաքականի դեմ կայանալիք հանդիպմանը։

Ինչպես տեղեկացնում է ESPN-ը, Ֆոդենն ու Գրինվուդը Իսլանդիայի (խմբ՝ 1։0 հաշվով հաղթել է Անգլիայի հավաքականը) դեմ խաղից հետո խախտել են ՈՒԵՖԱ-ի սահմանած բժշկական կանոնակարգը։

Բանն այն է, որ վերոնշյալ խաղից հետո երիտասարդ ֆուտբոլիստները հյուրանոցում ժամանակ են անցկացրել իսլանդուհի աղջիկների հետ, որոնք այդ մասին պատմել են Snapchat-ում։

Ըստ հակակորոնավիրուսային կանոնակարգի՝ Իսլանդիայում ֆուտբոլիստներին չէր թույլատրվում հանդիպել որևէ անծանոթ մարդու հետ, նրանց մոտ ներս չեն թողնում նույնիսկ ֆուտբոլիստների հարազատներին։ Ֆուտբոլիստներին թույլատրված է միայն մեկնել մարզումների և խաղերի։

Հավելենք, որ Իսլանդիայի դեմ խաղում թե՛ Մեյսոն Գրինվուդը և թե՛ Ֆիլ Ֆոդենն իրենց նորամուտը նշեցին «երեք առյուծների» կազմում։

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023