Անգլիական գրանդները չպարզեցին հաղթողին․ չեմպիոնական մրցավազքը շարունակվում է 🎥

Անգլիական գրանդները չպարզեցին հաղթողին․ չեմպիոնական մրցավազքը շարունակվում է 🎥

17/01/2021 - 22:50

Անգլիական Պրեմիեր լիգայի 19-րդ տուրի կենտրոնական խաղում «Լիվերպուլը» «Էնֆիլդում» ընդունեց «Մանչեսթեր Յունայթեդին»։ Գրանդները չկարողացան պարզել հաղթողին․ գրանցվեց գոլազուրկ ոչ-ոքի՝ 0։0 հաշիվ։

Յուրգեն Կլոպի սաները ողջ խաղի ընթացքում զգալի առավելությամբ տիրել են գնդակին (65% – 35%): Դրապասի ուղղությամբ կատարված հարվածների քանակով ևս առաջատարը լիվերպուլյան ակումբի տղաներն են (19 – 8), սակայն ավելի դիպուկ էին «կարմիր սատանաները» (3 – 4)։

Այնուամենայնիվ, ստիպված ենք արձանագրել, որ չնայած վտանգավոր գրոհների՝ դարպասի գրավում այդպես էլ չգրանցվեց․ թիմերը վաստակեցին մեկական միավոր, ինչն, առավելապես, ձեռնտու է չեմպիոնության համար պայքարող մյուս ակումբներին։

Այս խաղից հետո Օլե Գունար Սուլշերի տղաները վաստակեցին 37 միավոր և ապրապնդվեցին Պրեմիեր լիգայի առաջին հորիզոնականում՝ հետապնդող «Լեսթերին» գերազանցելով արդեն երկու միավորով։

«Լիվերպուլը» առաջատարին զիջում է 3 միավորով և այս պահին եզրափակում է լավագույն եռյակը։

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023