Անգլիական գրանդը պայմանագիր է համաձայնեցրել Դոնարումայի հետ
ՊՍԺ-ի դարպասապահ Ջանլուիջի Դոնարուման մոտ է կարիերան Անգլիայում շարունակելուն, հայտնում է ինսայդեր Նիկոլո Սկիրան։
«Մանչեսթեր Սիթին» հետաքրքրված է իտալացի ֆուտբոլիստի ծառայություններով ու նրա հետ մինչև 2030 թ. հուլիսի 1-ը պայմանագիր է համաձայնեցրել։
Մանկունիական գրանդը 26-ամյա դարպասապահի տեղափոխության համար այժմ բանակցում է ՊՍԺ-ի հետ։
Դոնարումայի տրանսֆերն էլ ավելի հավանական կդառնա, եթե «Սիթիից» հեռանա ակումբի հիմնական դարպասապահ Էդերսոնը։ Բրազիլացի դարպասապահին փորձում է ձեռք բերել «Գալաթասարայը»։
Ավելի վաղ հայտնի էր դարձել, որ ՊՍԺ-ի գլխավոր մարզիչ Լուիս Էնրիկեն այլևս հույսեր չի կապում Դոնարումայի հետ` հեռացնելով նրան ակումբի մարզումներից և հայտացուցակից։
Դոնարուման «Պարի Սեն-Ժերմեն» է տեղափոխվել 2021 թ. ամռանը, 161 խաղից 56-ում դարպասն անառիկ է պահել։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Էդերսոն, Մանչեսթեր-Սիթի, ՊՍԺ, Ջանլուիջի Դոնարումա, տրանսֆերներ