Այսօր կկայանա Հայաստան – Ֆարերյան կղզիներ հանդիպումը
Այսօր` նոյեմբերի 14-ին, Ազգերի լիգայի խաղարկության C դիվիզիոնի երկրորդ խմբի 5-րդ տուրում Հայաստանի հավաքականը մրցելու է Ֆարերյան կղզիների դեմ։
Հանդիպումը Երևանի ժամանակով մեկնարկելու է 21:00-ին, որը կայանալու է Վազգեն Սարգսյանի անվան «Հանրապետական» մարզադաշտում։
Հայաստանի հավաքականն առաջիկա խաղերի հայտացուցակում ընդգրկել է հետևյալ ֆուտբոլիստներին.
Դարպասապահներ. Օգնյեն Չանչարևիչ («Նոա»), Արսեն Բեգլարյան («Արարատ-Արմենիա»), Հենրի Ավագյան («Փյունիկ»)։
Պաշտպաններ. Վարազդատ Հարոյան («Ցինդաո Վեեսթ Քոսթ», Չինաստան), Անդրե Չալըշըր («Բրոմապոյկարնա», Շվեդիա), Գեորգի Հարությունյան («Կրասնոդար», Ռուսաստան),
Նաիր Թիկնիզյան («Լոկոմոտիվ Մոսկվա», Ռուսաստան), Էդգար Գրիգորյան («Արարատ-Արմենիա»), Էրիկ Սիմոնյան («Ուրարտու»), Սերգեյ Մուրադյան («Նոա»), Հովհաննես Համբարձումյան («Նոա»)։
Կիսապաշտպաններ/Հարձակվողներ. Տիգրան Բարսեղյան («Սլովան Բրատիսլավա», Սլովակիա), Էդուարդ Սպերցյան («Կրասնոդար»), Ուգոչուկվու Իվու («Ռուբին», Ռուսաստա ), Վահան Բիչախչյան («Պոգոն», Լեգաստան), Էդգար Սևիկյան («Լոկոմոտիվ Մոսկվա»), Հրանտ-Լեոն Ռանոս («Բորուսիա Մյոնխենգլադբախ», Գերմանիա), Ժիրայր Շաղոյան («Դեբրեցեն», Հունգարիա), Լուկաս Սելարայան («Ալ Ֆաթեհ», Սաուդյան Արաբիա), Արթուր Միրանյան («Ունիվերսիտատյա Կլուժ», Ռումինիա), Նարեկ Գրիգորյան («Ֆարուլ», Ռումինիա), Սոլոմոն Իմե Ուդո («Փյունիկ»), Գոռ Մանվելյան («Նոա»), Կարեն Մուրադյան («Արարատ-Արմենիա»), Հովհաննես Հարությունյան («Արարատ-Արմենիա»), Արթուր Սերոբյան («Արարատ-Արմենիա»)։
Հետագայում պարզ դարձավ, որ տևական ժամանակ անց Հայաստանի հավաքական հրավիրված Տիգրան Բարսեղյանը վնասվածքի պատճառով չի միանալու ազգային թիմին ու բաց կթողնի հանդիպումները։
Ազգերի լիգայի C դիվիզիոնի երկրորդ խմբի մրցաշարային աղյուսակն այժմ ունի հետևյալ տեսքը.
- Հյուսիսային Մակեդոնիա – 10 միավոր
- Հայաստան – 4
- Լատվիա – 4
- Ֆարերյան կղզիներ – 3
Հիշեցնենք, որ Հայաստանի հավաքականը կորցրել է խմբում առաջին տեղը գրավելու շանսերը, իսկ երկրորդ տեղը զբաղեցնելու դեպքում մասնակցելու է հատուկ փլեյ-օֆֆ-ի` մրցաշարի B դիվիզիոն դուրս գալու համար։
Ֆարերյան կղզիների դեմ հանդիպումից 3 օր անց Հայաստանի հավաքականը Ռիգայում հյուրընկալվելիս հանդիպելու է Լատվիայի թիմին։ Առաջիկա երկու խաղում Հայաստանի թիմը հանդես է գալու ՀՖՖ տեխնիկական տնօրեն Սուրեն Չախալյանի գլխավորությամբ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ազգերի լիգա, Լատվիայի հավաքական, Հայաստանի ֆուտբոլի ֆեդերացիա, Հայաստանի-հավաքական, ՀՖՖ, Սուրեն Չախալյան, Տիգրան-Բարսեղյան, Ֆարերյան Կղզիների հավաքական