Աղբյուր. «Բրազիլիան Կամերունի դեմ հանդիպմանը հանդես կգա պահեստային կազմով»

ԱԱ-2022-ի G խմբի 3-րդ տուրում Բրազիլիայի հավաքականը կմրցի Կամերունի դեմ։

Ինչպես տեղեկացնում է Globo-ն, «պենտակամպիոնների» գլխավոր մարզիչ Տիտեն որոշել է այդ խաղում դաշտ դուրս բերել պահեստային կազմ` կատարելով մի շարք փոփոխություններ։

Արդեն հայտնի է, որ Կամերունի դեմ խաղը վնասվածքների պատճառով բաց կթողնեն Նեյմարը, Դանիլոն ու Ալեքս Սանդրոն։ Կան նաև ֆուտբոլիստներ, ովքեր նախորդ օրերին առողջական վիճակի վատթարացում և ջերմություն են ունեցել, այդ պատճառով էլ մարզումների ժամանակ Տիտեն լուրջ առաջադրանքներ է տալիս հիմնականում այն խաղացողներին, ովքեր Մունդիալի առաջին երկու տուրերում քիչ խաղաժամանակ են ստացել։

Globo-ի տեղեկություններով, Բրազիլիայի հավաքականն այդ խադում, ամենայն հավանականությամբ, դաշտ դուրս կգա հետևյալ մեկնարկային կազմով.

Դարպասապահ – Էդերսոն

Պաշտպաններ – Դանի Ալվես, Էդեր Միլիտաո, Գլեյսոն Բրեմեր, Ալեքս Տելես

Կիսապաշտպաններ – Ֆաբինիո, Բրունո Գիմարայեշ, Անթոնի, Գաբրիել Մարտինելի

Հարձակվողներ – Գաբրել Ժեզուս, Ռոդրիգո Գոյես

Նշենք, որ Բրազիլիա – Կամերուն հանդիպումը կկայանա դեկտեմբերի 2-ին` Երևանի ժամանակով 23:00-ից սկսած։

Հավելենք, որ «պանտակամպիոններն» արդեն ապահովել են իրենց տեղը 1/8 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am