Աղբյուր․ «ՊՍԺ-ն ձեռք կբերի Իկարդիի ամբողջական տրանսֆերը»
Արգենտիացի հարձակվող Մաուրո Իկարդին, հնարավոր է, մնա Փարիզում։
Ըստ վերջին տեղեկությունների՝ Իկարդին պատրաստվում է վերադառնալ Իտալիա․ նրա տրանսֆերային ամբողջական իրավունքները պատկանում են «Ինտերին», իսկ ՊՍԺ-ի կազմում հանդես է գալիս վարձակալական հիմունքներով։
Ինչպես տեղեկացնում է Sky Sports-ի լրագրող Ջիանլուկա դի Մարցիոն, փարիզյան ակումբը պատրաստ է ձեռք բերել խաղացողի ամբողջկան տրանսֆերը։ Կորոնավիրուսի համաճարակի պատճառով ստեղծված իրավիճակը և ֆուտբոլային շուկայում խաղացողների գների անկումը հաշվի առնելով՝ փարիզյան ակումբը պատրաստ է պահպանել Իկարդիին իր շարքերում։ «Ինտերն» իր հերթին պատրաստ է նվազեցնել խաղացողի գինը, ինչն էլ ցանկանում է ՊՍԺ-ի ղեկավարությունը։
Նշենք, որ 27-ամյա հարձակվողը ՊՍԺ-ի կազմում ընթացիկ մրցաշրջանում մասնկացել է 31 հանդիպման՝ դառնալով 20 գոլի և 4 գոլային փոխանցման հեղինակ։
# Ինտեր, Մաուրո-Իկարդի, ՊՍԺ, տրանսֆերներ