Աղբյուր․ «Հայտնի է Նիդեռլանդների հավաքականի նոր գլխավոր մարզչի թեկնածուն»
Ինչպես արդեն հայտնի է, Նիդեռլանդների հավաքականի ներկայիս գլխավոր մարզիչ Ռոնալդ Կումանը մոտ է «Բարսելոնան» գլխավորելուն։
Երեկ՝ օգոստոսի 17-ին, կատալոնական ակումբը պաշտոնապես պաշտոնանկ արեց Կիկե Սետիենին, իսկ նրան փոխարինելու ամենահավանական թեկնածուն հենց հոլանդացի 57-ամյա մասնագետն է։ Այդ մասին արդեն հաստատել է նաև «բլաուգրանասի» գլխավոր տնօրեն Օսկար Գրաուն։
Արդեն հայտնի է նաև, թե Նիդեռլանդերի հավաքականում Կումանին ով է փոխարինելու գլխավոր մարզչի պաշտոնում։ Ինչպես տեղեկացնում է FOX Sports-ը, այդ պաշտոնում ամենահանական թեկնածուն «Արսենալի» նախկին գլխավոր մարզիչ Արսեն Վենգերն է։
Աղբյուրի փոխանցմամբ՝ 70-ամյա ֆրանսիացի մարզչի հետ արդեն կապվել են Նիդեռլանդների ֆուտբոլի ֆեդերացիայից, իսկ Վենգերն իր դիրքորոշումն է հայտնել այդ հարցի շուրջ, սակայն դեռևս որևէ հստակ տեղեկատվություն չկա, թե ինչ պատասխան է նա տվել։
Վենգերը 2018 թվականից ի վեր անգործ է, երբ հեռացավ «Արսենալի» գլխավոր մարզչի պաշտոնից։ Նախորդ տարվա հոկտեմբերին ֆրանսիացի մասնագետը նշանակվել է ՖԻՖԱ-ի զարգացման գծով տնօրեն։
# Արսեն-Վենգեր, Բարսելոնա, Հոլանդիայի հավաքական, Ռոնալդ Կուման