Ալվեսը դարձավ Բարսելոնայի` Լա լիգայի շրջանակում հանդիպման մասնակցած ամենատարեց ֆուտբոլիստը

Իսպանական Լա լիգայի 20-րդ տուրի շրջանակում «Բարսելոնան» հյուրընկալվելիս մրցում է «Գրանադայի» դեմ։

Այդ հանդիպումը մեկնարկային րոպեներից սկսել է նաև եզրային պաշտպան Դանի Ալվեսը։

Ինչպես տեղեկացնում է OptaJose-ն, բրազիլացի պաշտպանը դարձել է «Բարսելոնայի» կազմում Լա լիգայի շրջանակում հանդիպման մասնակցած ամենատարեց ֆուտբոլիստը։

«Գրանադայի» հանդիպման օրը Ալվեսը 38 տարեկան և 247 օրական է։

Այդ ցուցանիշով 38-ամյա ֆուտբոլիստը գերազանցել է ակումբի նախկին դարպասապահ Խոսե Մանուել Պինտոյին, ով 2014 թ. մայիսի 17-ին «Ատլետիկո Մադրիդի» դեմ կայացած խաղում (1:1) «բլաուգրանասի» կազմում հանդիպման է մասնակցել 38 տարեկան և 190 օրական հասակում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am