Ալոնսոյին «Բայերում» փոխարինելու երեք թեկնածու կա

Լևերկուզենի «Բայերը» Խաբի Ալոնսոյին փոխարինելու երեք թեկնածու է դիտարկում, հայտնում է ինսայդեր Նիկոլո Սկիրան։

Թեկնածուների թվում են Էրիկ Տեն Հագը, Իմանոլ Ալգուասիլը («Ռեալ Սոսիեդադ») և Սեսկ Ֆաբրեգասը («Կոմո»)։

Աղբյուրի համաձայն` Ալոնսոն ընթացիկ մրցաշրջանի ավարտին կլքի «Բայերը» և կստանձնի Մադրիդի «Ռեալի» գլխավոր մարզչի պաշտոնը։

Լրագրող Ֆլորիան Պլետենբերգն էլ X-ի իր միկրոբլոգում գրում է, որ Ալոնսոյին փոխարինելու գլխավոր թեկնածուն «Մանչեսթեր Յունայթեդի» նախկին գլխավոր մարզիչ Տեն Հագն է։

Նշենք, որ Իմանոլ Ալգուսասիլն էլ ընթացիկ մրցաշրջանի ավարտին հեռանալու է «Ռեալ Սոսիեդադից», իսկ Սեսկ Ֆաբրեգասը դեռ ցանկանում է աշխատել իտալական «Կոմոյում»։

Հիշեցնենք, որ Խաբի Ալոնսոն «Բայերը» մարզում է 2022 թ. հոկտեմբերից։ «Դեղագործները» նրա գլխավորությամբ 137 խաղում 89 հաղթանակ են տարել, գրանցել 30 ոչ-ոքի, կրել 18 պարտություն, դարձել Գերմանիայի չեմպիոն, երկիրի գավաթակիր ու Սուպերգավաթակիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից