Ալեքսանդրա Գրիգորյանը ռեկորդով դարձավ երիտասարդների Եվրոպայի չեմպիոն 🎥

Ալբանիայի Դուրես քաղաքում ընթացող ծանրամարտի երիտասարդների և մինչև 23 տարեկանների Եվրոպայի առաջնությունում Ալեքսանդրա Գրիգորյանը (58կգ) դարձավ ոսկե մեդալակիր։

20-ամյա ծանրորդը հանդես եկավ երիտասարդների պայքարում ու երկամարտի 214կգ (91+123) արդյունքով դարձավ հաղթող։ Նա փոքր ոսկե մեդալներ նվաճեց նաև պոկում և հրում վարժություններում։

Հայ մարզուհին հրում վարժությունում Եվրոպայի ռեկորդ սահմանեց։

Ալեքսանդրա Գրիգորյանը մեծահասակների պայքարում դարձել է աշխարհի առաջնության բրոնզե մեդալակիր, Եվրոպայի չեմպիոն ու փոխչեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am