Ազգերի լիգա. Վրաստանը հիանալի խաղով ջախջախեց Հյուսիսային Մակեդոնիային🎥

Ազգերի լիգայի C դիվիզիոնի 4-րդ խմբի 3-րդ տուրի կենտրոնական հանդիպումը կայացավ Սկոպյեի «Տոշե Պրոյեսկի» մարզադաշտում, որտեղ Հյուսիսային Մակեդոնիայի հավաքականը մրցեց Վրաստանի դեմ։

Գոլազուրկ առաջին կեսից հետո վրացիներն իսկական դաս տվեցին մրցակցին` ջախջախելով 3:0 հաշվով։

Վիլի Սանյոլի թիմի կազմից մեկական անգամ աչքի ընկան Բուդու Զիվզիվաձեն, Խվիչա Կվարացխելիան ու Օթար Կիթիեշվիլին։

Այս խմբում կայացել է ևս մեկ հանդիպում.

Ջիբրալթար 1:1 Բուլղարիա

C դիվիզիոնի 4-րդ խումբը 3-րդ տուրից հետո ունի հետևյալ տեսքը.

1. Վրաստան – 9 միավոր
2. Հյուսիսային Մակեդոնիա – 4 միավոր
3. Բուլղարիա – 2 միավոր
4. Ջիբրալթար – 1 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am