Ազգերի լիգան մեկնարկեց Շվեդիայի` Ադրբեջանի նկատմամբ վստահ հաղթանակով 🎥

Մեկնարկեց Ազգերի լիգայի 2024/25 խաղարկությունը, որի առաջին տուրում Շվեդիայի ազգային հավաքականը C դիվիզիոնում հյուրընկալվելիս մրցեց Ադրբեջանի թիմի դեմ։

Գոլազուրկ առաջին կեսից հետո երկրորդ 45 րոպեների ընթացքում «տրե կունիրը» մրցակցի դարպասն ուղարկեց երեք գոլ և հաղթեց 3:1 հաշվով։

Յոն Դալ Թոմասի գլխավորած թիմից դուբլ գրանցեց անգլիական «Նյուքասլի» հարձակվող Ալեքսանդր Իսակը, մեկ գոլ էլ խփեց Լիսաբոնի «Սպորտինգի» ֆուտբոլիստ Վիկտոր Դյոկերեշը։

Առաջին խաղակեսում 0:0 հաշվի ժամանակ շվեդների դարպասապահ Վիկտոր Յոհանսոնը հետ մղեց տանտերերի իրացրա 11-մետրանոց հարվածը։

Շվեդիան վաստակեց առաջին երեք միավորը և գլխավորեց առաջին խմբի մրցաշարային աղյուսակը։ Խմբում ընդգրկված են նաև Սլովակիայի ու Էստոնիայի հավաքականները, որոնք միմայնց դեմ կմրցեն Տալինում սեպտեմբերի 5-ին` Երևանի ժամանակով 22:45-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am