ԱԱ-2026-ի եզրափակիչի հաղթող հավաքականը չեմպիոնական մատանիներ կստանա 📸

Աշխարհի առաջնության եզրափակիչի հաղթող հավաքականի ֆուտբոլիստներին կհանձվեն չեմպիոնական հատուկ մատանիներ, հայտնում է ՖԻՖԱ-ի պաշտոնական կայքը։

ՖԻՖԱ-ի հովանու ներքո անցկացվող մրցաշարի հաղթողին պատմության մեջ առաջին անգամ նման մրցանակ կհանձնվի։

Կարտադրվի 2026 համարակալված մատանի, որոնցից 30-ը կստանան աշխարհի չեմպիոն հավաքականի ֆուտբոլիստները, իսկ 1996-ը երկրպագուների համար կհանվեն վաճառքի։

Մատանիների կողմերից մեկում պատկերված կլինի աշխարհի առաջնության չեմպիոնական գավաթը, իսկ մյուս կողմում` չեմպիոն դարձած հավաքականի երկրի խորհրդանիշները։

Յուրաքանչյուր մատանի կպատրաստվի անհատական չափսով և կհանձնվի դրանց իսկության հավաստագրի հետ։

Եզրափակիչից հետո չեմպիոն դարձած հավաքականի ավագը և գլխավոր մարզիչը կստանան ժամանակավոր մատանիներ։ Անհատականացված 30 մրցանակից բաղկացած հավաքածուն հավաքականին կհանձնվի ավելի ուշ։

ԱԱ-2026-ի եզրափակիչում հուլիսի 19-ին միմյանց դեմ կմրցեն Իսպանիայի ու Արգենտինայի հավաքականները։ Հանդիպումը կմեկնարկի ժամը 23:00-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml