ԱԱ-2026. Այսօր Հայաստանի հավաքականը կիմանա մրցակիցներին որակավորման փուլում

Այսօր` դեկտեմբերի 13-ին, Շվեյցարիայի Ցյուրիխ քաղաքում` ՖԻՖԱ-ի շտաբ-բնակարանում, կայանալու է աշխարհի 2026 թ. առաջնության ՈՒԵՖԱ-ի գոտու որակավորման փուլի վիճակահանությունը։

Ֆուտբոլի Հայաստանի ազգային հավաքականը նույնպես կիմանա իր մրցակիցներին և ընդգրկված է չորրորդ զամբյուղում։

Վիճակահանության զամբյուղները.

Առաջին զամբյուղ – Ֆրանսիա, Իսպանիա, Անգլիա, Պորտուգալիա, Նիդերլանդներ, Բելգիա, Իտալիա, Գերմանիա, Խորվաթիա, Շվեյցարիա, Դանիա Ավստրիա։

Երկրորդ զամբյուղ – Ուկրաինա, Շվեդիա, Թուրքիա, Ուելս, Հունգարիա, Սերբիա, Լեհաստան, Ռումինիա, Հունաստան, Սլովակիա, Չեխիա, Նորվեգիա։

Երրորդ զամբյուղ – Շոտլանդիա, Սլովենիա, Իռլանդիա, Ալբանիա, Հյուսիսային Մակեդոնիա, Վրաստան, Ֆինլանդիա, Իսլանդիա, Հյուսիսային Իռլանդիա, Չեռնոգորիա, Բոսնիա և Հերցեգովինա, Իսրայել։

Չորրորդ զամբյուղ – Բուլղարիա, Լյուքսեմբուրգ, Բելառուս, Կոսովո, Հայաստան, Ղազախստան, Ադրբեջան, Էստոնիա, Կիպրոս, Ֆարերյան կղզիներ, Լատվիա, Լիտվա։

Հինգերորդ զամբյուղ – Մոլդովա, Մալթա, Անդորրա, Ջիբրալթար, Լիխտենշտեյն, Սան Մարինո։

Վիճակահանության ժամանակ ձևավորվոլու է 12 խումբ, որոնք կազմված են լինելու 4 և 5 հավաքականներից։ Խմբերի հաղթողները դուրս են գալու աշխարհի առաջնության խմբային փուլ։ Երկրորդ տեղը գրաված հավաքականները և Ազգերի լիգայի լավագույն չորս թիմերը պայքարը շարունակելու են փլեյ-օֆֆ-ում, որոնք վիճարկելու են ևս չորս ուղեգիր։ Ընդհանուր առմամբ` ՈՒԵՖԱ-ի գոտուց խաղարկվելու է 16 ուղեգիր։

Որակավորման փուլի հանդիպումները կայանալու են 2025 թ. մարտից նոյեմբեր, անցումային հանդիպումները` 2026 թ. մարտի 26-ից 31-ը, անցումային փլեյ-օֆֆ-ի եզրափակիչները` 2026 թ. հունիսի 11-19-ը։

ԱԱ-2026-ի որակավորման փուլի վիճակահանությունը Երևանի ժամանակով մեկնարկելու է 15:00-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից