Ֆլոյդ Մեյվեզերը, հնարավոր է, ձեռք բերի ԱՊԼ-ը ներկայացնող ակումբներից մեկը
Ամերիկացի աշխարհահռչակ բռնցքամարտիկ Ֆլոյդ Մեյվեզերը սկսել է հետաքրքրվել «Նյուքասլը» ձեռք բերելու գաղափարով։
Կիրակի՝ մարտի 8-ին, Մեյվեզերը Նյուքասլում հանդիպել է երկրպագուների հետ։ Երկրպագուները նրան հարցրել են՝ արդյո՞ք նա իրոք հետաքրքրված է ակումբը ձեռք բերելու գաղափարով, թե՞ ոչ։
«ԱՄՆ-ում այս սպորտը մենք չենք անվանում ֆուտբոլ, այլ անվանում ենք սոքքեր։ «Նյուքասլը» անհավանական ակումբ է, մեծ ակումբ։ Եթե դուք ցանկանում եք, որպեսզի ես ձեռք բերեմ ակումբը, ապա իմաց տվեք ինձ այդ մասին»,- նշել է ամերիկացի բռնցքամարտիկը երկրպագուների հետ հանդիպման ժամանակ։
Ինչպես տեղեկացնում է TMZ-ն, Մեյվեզերի ներկայացուցիչները հաստատել են ակումբի ձեռքբերման նրա հավանական հետաքրքրվածությունը։
Ըստ տարբեր աղբյուրների գնահատման՝ Ֆլոյդ Մեյվեզերի կարողությունը ԱՄՆ-ում կազմում է շուրջ 1 մլրդ դոլլար։
# ԱՊԼ, Նյուքասլ, Ֆլոյդ Մեյվեզեր