Ֆինալիսիմայի հանդիպումը կկայանա Եվրոպայի լեգենդար ստադիոններից մեկում

Ֆինալսիմայի Իսպանիա – Արգենտինա հանդիպումը կկայանա Մադրիդի «Բեռնաբեու» ստադիոնում, հաստատում է COPE-ն։

Կողմերը քննարկում են հանդիպման անցկացման վայրի փոփոխության վերջնական մանրամասները։ Ակնկալվում է, որ մոտ օրերս ՈւԵՖԱ-ն և ԿՈՆՄԵԲՈԼ-ը պաշտոնապես կհաստատեն տեղեկությունը։

Արգենտինացիներն ի սկզբանե չեն ցանկացել հանդես գալ «Բեռնաբեուում», բայց եվրոպական մյուս խոշոր ստադիոնները, միջազգային այլ հանդիպումներով պայմանավորված, պատրաստ չեն ընդունել հանդիպումը։ Արդյունքում «ալբիսելեստեի» ներկայացուցիչները նախնական համաձայնություն են տվել որոշմանը։

Հանդիպումը պետք է կայանար Կատարի մայրաքաղաք Դոհայի «Լուսայիլ» ստադիոնում, բայց Մերձավոր Արևելքում սկսված պատերազմի պատճառով որոշվել է մրցավեճի անցկացման վայրը փոխել։

Եվրոպայի ու Հարավային Ամերիկայի գործող չեմպիոնները կհանդիպեն մարտի 27-ին։

Նախկինում լեգենդար «Բեռնաբեու» մարզադաշտում կայացել են աշխարհի (1982թ.) ու Եվրոպայի (1964թ.) առաջնությունների եզրափակիչները։

Ստադիոնը 1957, 1969, 1980 և 2010թթ. ընդունել է նաև Չեմպիոնների լիգայի եզրափակիչը։ 2018թ. Մադրիդի «Ռեալի» տնային մարզադաշտում կայացել է նաև Լիբերտադորեսի գավաթի խաղարկության վճռորոշ հանդիպումը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml