Քեյնը 113  տարվա վաղեմության ռեկորդ է գերազանցել Անգլիայի հավաքականում

Քեյնը 113 տարվա վաղեմության ռեկորդ է գերազանցել Անգլիայի հավաքականում

16/11/2021 - 13:53

Աշխարհի 2022 թ. առաջնության որակավորման փուլի 10-րդ տուրում Անգլիայի հավաքականը 10:0 հաշվով ջախջախեց Սան Մարինոյին` նվաճելով ԱԱ խմբային փուլի ուղեգիր։

Հանդիպման հերոսը դարձավ «երեք առյուծների» հարձակվող Հարի Քեյնը, ով իր անվան դիմաց պոկեր գրանցեց` 4 անգամ գրավելով մրցակցի դարպասը։

Ինչպես տեղեկացնում է Daily Mail-ը, Քեյնը 2021 թ. ընթացքում հավաքականի կազմում դարձել է 16 գոլի հեղինակ` գերազանցելով 113 տարվա վաղեմության ռեկորդ։

1908 թ. Ջորջ Հիլդսոնը հավաքականի կազմում խփել է 12 գոլ, իսկ 1927 թ. Դիքսի Դինը կրինել է այդ ցուցանիշը։

Հավելենք, որ Հարի Քեյնը Անգլիայի հավաքականի կազմում անցկացրել է 67 հանդիպում և իր գոլերի քանակը հասցրեց 48-ի։

28-ամյա հարձակվողն այդ ցուցանիշով Անգլիայի հավաքականի պատմության երրորդ լավագույն ռմբարկուն է և զիջում է միայն Բոբի Չարլթոնին (49 գոլ) ու Ուեյն Ռունիին (53 գոլ)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022