Սիթին խոշոր առաջարկ է արել Նապոլիին
14/08/2020 - 17:39
«Մանչեսթեր Սիթին» լրջորեն հետաքրքրված է «Նապոլիի» սենեգալցի կենտրոնական պաշտպան Կալիդու Կուլիբալիի ծառայություններով։
Ինչպես տեղեկացնում է իտալացի լրագրող Տանկրեդի Պալմերին, «Սիթին» 29-ամյա պաշտպանի դիմաց նեապոլիտանական ակումբին առաջարկել է 63 մլն եվրո։
Աղբյուրի փոխանցմամբ՝ «Նապոլին» պատրաստ է բաժանվել իր պաշտպանից, սակայն հույսեր է կապում, որ «քաղաքաբնակների» առաջարկը, հնարավոր է, բարելավվի։
Ավելի վաղ հայտնի է դարձել, որ մանկունյական ակումբը Կուլիբալիին պատրաստ է տարեկան վճարել 10 մլն եվրո աշխատավարձ։