Սելտան մեծ դժվարությամբ հաղթեց Պիկեին պատկանող ակումբին` դուրս գալով Իսպանիայի գավաթի 1/16 եզրափակիչ🎥

Սելտան մեծ դժվարությամբ հաղթեց Պիկեին պատկանող ակումբին` դուրս գալով Իսպանիայի գավաթի 1/16 եզրափակիչ🎥

15/12/2021 - 10:29

Դեկտեմբերի 14-ին մեկնարկեց Իսպանիայի գավաթի 1/32 եզրափակիչ փուլը։

«Սելտան» հյուրընկալվելիս մրցեց Սեգունդա Բ-ն` երրորդ դիվիզիոնը ներկայացնող «Անդդորայի» դեմ։

Վիգոյից ժամանած հյուրերը մեծ դժվարությամբ կարողաղան հաղթել կարգով ավելի ցածր թիմին` առավելության հասնելով 2:1 հաշվով։

Հանդիպման հիմնական ժամանակում կողմերը փոխանակվեցին խփած մեկական գնդակով. 14-րդ րոպեին «Սելտային» առաջ մղեց Խոսե Ֆոնտանը, իսկ 39-րդ րոպեին «Անդորրայի» պատասխան գոլը խփեց Ադրիա Վիլանովան։

Կողմերը հաղթողին որոշեցին լրացուցիչ ժամանակում, և երբ թվում էր` հանդիպումն ավարտվելու է ոչ-ոքի ու կտեղափոխվի 11-մետրանոց հարվածաշար, 118-րդ րոպեին Սանտի Մինան խփեց «Սելտայի» հաղթական գնդակը։

Այսպիսով, «Սելտան» նվաճեց Իսպանիայի գավաթի 1/16 եզրափակիչի ուղեգիր։

Հավելենք, որ «Անդորրան» պատկանում է «Բարսելոնայի» պաշտպան Ժերար Պիկեին, ով 2018 թ. դեկտեմբերին իր ընկերության` «Kosmos Holding»-ի միջոցով գնել է ակումբի բաժնետոմսերի 56%-ը։

Նշենք նաև, որ «Անդորրան» մարզում է Էդեր Սարաբիան, ով 2020 թ. ընգրկգած էր «Բարսելոնայի» նախկին գլխավոր մարզիչ Կիկե Սետիենի մարզչական շտաբում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022