Ռոնալդուն Յունայթեդի կազմում խփած գոլերի քանակով շրջանցել է Սուլշերին

Ռոնալդուն Յունայթեդի կազմում խփած գոլերի քանակով շրջանցել է Սուլշերին

03/11/2021 - 16:57

Չեմպիոնների լիգայի խմբային փուլի 4-րդ տուրում «Մանչեսթեր Յունայթեդը» հյուրընկալվելիս մրցեց «Ատալանտայի» դեմ. գրանցվեց 2:2 հաշիվը։

Մանկունյական ակումբի կազմից դուբլի հեղինակ դարձավ Կրիշտիանու Ռոնալդուն` մեծապես նպաստելով, որ իր թիմը չպարտվի։

Ինչպես տեղեկացնում է OptaJoe-ն, պորտուգալացի հարձակվողը «կարմիր սատանաների» կազմում խփած գոլերի քանակը հասցրեց 127-ի։

Այդ ցուցանիշի շնորհիվ 36-ամյա հարձակվողը «Յունայթեդի» կազմում խփած գոլերի քանակով շրջանցել է ակումբի ներկայիս գլխավոր մարզիչ Օլե-Գունար Սուլշերին, ում ակտիվում կա 126 գնդակ։

Հատկանշական է, որ Ռոնալդուին այդ ցուցանիշին հասնելու համար անհրաժեշտ է եղել 303, իսկ Սուլշերին` 366 հանդիպում։

Հավելենք, որ Կրիշտիանու Ռոնալդուն «Մանչեսթեր Յունայթեդի» պատմության 7-րդ լավագույն ռմբարկուն է։ Նրա հաջորդ «թիրախը» Ջորջ Բեսթն է, ով խփել է 137 գոլ։

Նշենք, որ մանկունյական ակումբի պատմության լավագույն ռմբարկուն Ուեյն Ռունին է, ով, անցկացրած 559 խաղում, դարձել է 253 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022