Ռոնալդու․ «Շնորհակալ եմ հավատարիմ մրցակիցներին․ դուք ինձ ստիպեցիք ամեն օր ավելի տքնաջան աշխատել»
03/12/2020 - 11:52
Չեմպիոնների լիգայի 2020/21 խաղարկության խմբային փուլի 5-րդ տուրի շրջանակում «Յուվենտուսը» Թուրինում 3։0 հաշվով հաղթել է «Դինամո Կիևին»։
«Բյանկոներիների» գոլերից մեկը գրանցվել է Կրիշտիանու Ռոնալդուի անվան դիմաց, ով իր կարերայի շրջանակում խփել է 750-րդ գոլը։ Խաղից հետո պորտուգալացի ֆուտբոլիստը Twitter-ում գրառում է կատարել․
«750 գոլ, 750 երջանիկ պահ, 750 ժպիտ մեր երկրպագուների դեմքին։ Շնորհակալ եմ բոլոր խաղացողներին և մարզիչներին, ովքեր օգնեցին ինձ հասնել նման նվաճման։
Շնորհակալ եմ հավատարիմ մրցակիցներին․ դուք ինձ ստիպեցինք ամեն օր ավելի տքնաջան աշխատել»,- գրել է Ռոնալդուն։