Ռոբինիոյի բանտարկության ժամկետը կրճատվել է 160 օրով

Մադրիդի «Ռեալի», «Մանչեսթեր Սիթիի» ու «Միլանի» նախկին վինգեր Ռոբինիոյի բանտարկության ժամկետը կրճատվել է 160 օրով, գրում է UOL-ը։

Նախկին ֆուտբոլիստը 2025թ. նոյեմբերին բանտում կրթություն է ստացել։ Նա ավարտել է 11 կուրս, 464 ժամ մասնակցել դպրոցական ծրագրի ու կարդացել 5 գիրք։

Սան Պաուլոյի դատարանը բավարարել է Ռոբինիոյի փաստաբան Մարիո Վալեի` ֆուտբոլիստի պատիժի ժամկետը կրճատելու միջնորդությունը։

«Նա աշխատել է և կրթվել, այդ պատճառով պատժի ժամկետը կրճատվել է 160 օրով»,- հայտնել է Վալեն։

Հիշեցնենք, որ Ռոբինիոն 2024թ. խմբակային բռնաբարության մասնակցության մեղադրանքով դատապարտվել էր 9 տարվա ազատազրկման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml