Ռեալ Սոսիեդադը շարունակում է տպավորել` կրկին գլխավորելով Լա լիգայի մրցաշարային աղյուսակը🎥

Ռեալ Սոսիեդադը շարունակում է տպավորել` կրկին գլխավորելով Լա լիգայի մրցաշարային աղյուսակը🎥

08/11/2021 - 10:38

Իսպանական Լա լիգայի 13-րդ տուրի շրջանակում առաջատարների թվում ընթացող «Ռեալ Սոսիեդադը» հյուրընկալվելիս մրցեց ընթացիկ մրցաշրջանի բացահայտումներից «Օսասունայի» դեմ։

Ծանր ընթացք ստացած խաղում` «Ռեալ Սոսիեդադը» կարողացավ բեկել հանդիպման ընթացքն ու երկրորդ խաղակեսում երկու անպատասխան գնդակ ուղարկեց Պամպլոնան ներկայացնող ակումբի դարպասը. նախ 72-րդ րոպեին աչքի ընկավ Միկել Մերինոն, ապա 82-րդ րոպեին` Ադնան Յանուզայը։

Այս հաղթանակից հետո Իմանոլ Ալգուասիլի թիմը վաստակեց 28 միավոր և գլխավորեց Լա լիգայի մրցաշարային աղյուսակը։

Հանուն արդարության` նշենք, որ «Սոսիեդադի» մոտակա հետապնդողներ «Ռեալ Մադրիդն» ու «Սևիլիան», որոնք իրենց ակտկվում ունեն 27-ական միավոր, մեկ հանդիպում պակաս են անցկացրել բասկյան ակումբի համեմատ։

«Օսասունան» մնաց 19 միավորով և զբաղեցնում է 7-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022