Ռեալն ու Ատլետիկոն բանակցություններ են վարել գերմանացի ծագող աստղի գործակալի հետ

Ռեալն ու Ատլետիկոն բանակցություններ են վարել գերմանացի ծագող աստղի գործակալի հետ

09/11/2021 - 11:40

«Զալցբուրգի» կենտրոնական հարձակվող Կարիմ Ադեյեմին, ամենայն հավանականությամբ, շուտով կփոխի ակումբային գրանցումը։

19-ամյա ֆուտբոլիստի ծառայություններով հետաքրքրված են մի շարք գրանդ ակումբներ, որոնց թվում են «Բորուսիա Դորտմունդը», «Բավարիան» ու ՊՍԺ-ն։

Ինչպես տեղեկացնում է Sport1.de-ն, գերմանացի ֆուտբոլիստի համար մղվող պայքարին միացել են նաև մադրիդյան երկու գրանդները` «Ռեալն» ու «Ատլետիկոն»։

Աղբյուրի փոխանցմամբ` անցնող օրերին Ադեյեմիի գործակալը եղել է Մադրիդում և նախնական բանակցություններ վարել «Ռեալի» ու «Ատլետիկոյի» ներկայացուցիչների հետ։

Սպասվում է, որ երիտասարդ ֆուտբոլիստն իր ապագայի վերաբերյալ վերջնական որոշում կկայացնի մինչև սույն թվականի դեկտեմբեր։

Նշվում է, որ «Զալցբուրգն» իր ֆուտբոլիստին պատրաստ է վաճառել 30-35 մլն եվրոյի դիմաց։

Հավելենք, որ ընթացիկ մրցաշրջանում Կարիմ Ադեյեմին բոլոր մրցաշարի շրջանակում անցկարել է 22 հանդիպում` խփելով 15 գոլ, որոնցից 3-ը Չեմպիոնների լիգայում։

Ադեյեմին հասցրել է նաև 3 հանդիպում անցկացնել Գերմանիայի հավաքականի կազմում և դառնալ 1 գոլի հեղինակ` գրավելով Հայաստանի հավաքականի դարպասը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022