Ռեալին հետաքրքրել է Վալենսիայի երիտասարդ տաղանդը

Մադրիդի «Ռեալը» մտադիր է ձեռք բերել «Վալենսիայի» 19-ամյա եզրային կիսապաշտպան Ֆերրան Տոռեսին։ Ինչպես տեղեկացնում է AS-ը՝ «արքայական» ակումբը արդեն 7 տարի է փորձում է ձեռք բերել երիտասարդ տաղանդին։

«Վալենսիան» էլ իր հերթին ցանկանում է երկարաձգել պայմանագիրը երիտասարդ խաղացողի հետ, որը սպառվում է 2021 թվականին, իսկ հրաժարագինը կազմում է 100 մլն երվո։

Ավելի վաղ հաղորդվում էր, որ Տոռեսի ծառայություններով հետաքրքրված են նաև «Յուվենտուսն» ու Դորտմունդի «Բորուսիան»։