«Ռեալը» շարունակում է միավորներ բաժանել` չհաղթելով նաև «Ժիրոնային» 🎥

Իսպանիայի Լա լիգայի 14-րդ տուրում Մադրիդի «Ռեալը» կրկին միավորներ կորցրեց` մրցակցի դաշտում չհաղթելով «Ժիրոնային». գրանցվեց 1:1 հաշիվը։

Կատալոնական ակումբից 45-րդ րոպեին բացեց Ազեդին Ունահին, իսկ «արքայական» ակումբից 67-րդ րոպեին պատասխան գոլը 11-մետրանոցից խփեց Կիլիան Մբապեն։

Չաբի Ալոնսոյի գլխավորած թիմը խաղավերջում ուներ տարածքային ու խաղային շոշափելի առավելություն, բայց չկարողացավ հաղթանակ կորզել։

Մադրիդյան գրանդը Լա լիգայում չի հաղթում արդեն երրորդ խաղում անընդմեջ։ «Լոս բլանկոսը» նախորդ տուրերում ոչ-ոքի է գրանցել «Ռայո Վալեկանոյի» (0:0) ու «Էլչեի» (2:2) հետ։

Այս արդյունքից հետո «Ռեալը» կորցրեց առաջատարությունն ու 33 միավորով երկրորդ տեղում է։ 14-րդ տուրից հետո առաջին տեղ բարձրացավ «Բարսելոնան», որն ունի 34 միավոր։

«Ժիրոնան» 12 միավորով 18-րդ տեղն է զբաղեցնում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml