Ռամոս vs Այաքս․ կողմերը ծաղրել են միմյանց Twitter-ում
«Այաքսի» մամուլի ծառայությունը Twitter-ում ծաղրել է «Ռեալի» ավագ Սերխիո Ռամոսին՝ հրապարակելով նկար նախորդ տարվա Չեմպիոնների լիգայի խաղարկության 1/8 եզրափակիչ պատասխան հանդիպումից, որը «արքայական» ակումբի ավագը բաց է թողել որակազրկման պատճառով։
Հիշեցնենք, որ դիմակայության առաջին խաղում «Ռեալը» հյուրընկալվելիս հաղթել էր 1։2 հաշվով, իսկ պատասխան խաղում «Այաքսը» հաղթեց 1։4 հաշվով՝ պայքարից դուրս թողնելով մրցաշարի գործող գավաթակրին։ Առաջին խաղում Սերխիո Ռամոսը մտադրված դեղին քարտ ստացավ, որպեսզի քառորդ եզրափակչին «մաքուր» մոտենա, սակայն «Ռեալը» դուրս մնա պայքարից։
Հոլանդական ակումբի գրառման մեջ երևում է, թե ինչպես է Ռամոսը տրիբունայից հետևում խաղին, և թե ինչպես է Դուշան Տադիչը տոնում խփած գնդակը։
«Ռեալի» ավագի պատասխանը չի ուշացել, որը եղել է բավականին կտրուկ։ Ռամոսը նկար է հրապարակել, որտեղ Չեմպիոնների լիգան նվաճած վերջին չորս գավաթներով է։