Ռամոսը հոբելյանական նվաճման է հասել Ռեալի կազմում
Չեմպիոնների լիգայի 2020/21 խաղարկության խմբային փուլի 3-րդ տուրի շրջանակում «Ռեալը» սեփական հարկի տակ 3։2 հաշվով ծանր հաղթանակ է տարել «Ինտերի» նկատմամբ։
Հանդիպման 33-րդ րոպեին Տոնի Կրոսի իրացրած անկյունային հարվածից հետո Սերխիո Ռամոսը գլխով գնդակն ուղարկեց Սամիր Հանդանովիչի պաշտպանած դարպասը՝ հաշիվը դարձնելով 2։0։
Պարզվում է՝ այդ գոլը Սերխիո Ռամոսի համար հոբելյանական է դարձել։ Ինչպես տեղեկացնում է OptaJose-ն, Ռամոսը «Ռեալի» կազմում խփել է իր 100-րդ գոլը։ Այդ գոլերից 55-ը եղել են գլխով։
Նշենք, որ «Ռեալում» հանդես եկած պաշտպաններից Ռամոսից շատ գոլ խփել է միայն Ֆերնանդո Յերոն, ով դարձել է 127 գոլի հեղինակ։
Վերջում հավելենք, որ ֆուտբոլի պատմության լավագույն ռմարկու-պաշտպանը «Բարսելոնայի» ներկայիս գլխավոր մարզիչ Ռոնալդ Կումանն է, ով խփել է 253 գոլ։
# Բարսելոնա, Ինտեր, Չեմպիոնների-լիգա, Ռեալ Մադրիդ, Ռոնալդ Կուման, Սերխիո-Ռամոս, Ֆերնանդո Յերո