Պրեմիեր լիգան  պատվաստված ֆուտբոլիստների ամենացածր տոկոսն ունի թոփ-5 առաջնությունների շրջանակում

Պրեմիեր լիգան պատվաստված ֆուտբոլիստների ամենացածր տոկոսն ունի թոփ-5 առաջնությունների շրջանակում

22/12/2021 - 16:38

Համաշխարհային ֆուտբոլը կրկին բախվել է կորոնավիրուսի համաճարակի հետևանքով առաջացած խնդիրներին։

Հատկապես վիճակը ծանր է անգլիական Պրեմիեր լիգայում, որի շրջանակում, սկսած դեկտեմբերի 12-ից, հետաձգվել է արդեն 9 հանդիպում։

Բունդեսլիգայում որոշ ակումբներ իրենց տնային հանդիպումներն անցկացնում են առանց հանդիսականների` կապված Գերմանիայի որևէ քաղաքի կամ երկրամասի իշխանությունների կայացրած որոշումների հետ։

Ա սերիայի շրջանակում այդ ընթացքում հետաձգվել է միայն մեկ հանդիպում։ Դեկտեմբերի 21-ին 19-րդ տուրի շրջանակում պետք է կայանար «Ուդինեզե» – «Սալերնիտանա» հանդիպումը, սակայն հյուրերի ճամբարում կորոնավիրուսի համաճարակ է բռնկվել, ինչից հետևանքով չեն կարողացել Սալերնոյից մեկնել Ուդինե։

Դրան զուգահեռ, այդ ամենի հետ կապված դեռևս որևէ խնդիր չկա Լիգա 1-ում և Լա լիգայում։

Վերջին շրջանում ֆուտբոլային հանրության շրջանակում Covid-19-ով վարակման դեպքերի կտրուկ աճով պայմանավորված` բրիտանացի լրագրող Մելիսա Ռեդին հետաքրքիր բացահայտում է արել և Twitter-ի իր միկրոբլոգում ներկայացրել է, թե ինչպես է ընթանում թոփ-5 առաջնությունները ներկայացնող ակումբների ֆուտբոլիստների պատվաստումային գործընթացը։

Այսպես, անգլիական Պրեմիեր լիգայի ակումբների ֆուտբոլիստների միայն 77%-ն է ստացել պատվաստանյութի երկու չափաբաժինն էլ, իսկ 85-%-ը պատվաստվել է միայն մեկ դեղաչափով։

ԱՊԼ-ի ցուցանիշը եվրոպական թոփ-5 առաջնությունների շրջանակում վատագույնն է։

Ընդ որում, Ռիդին գրում է հետևյալը.

«Պրեմիեր լիգայում հանդես եկող ֆուտբոլիստների պատվաստման հետ կապված ո՛չ ակումբները և ո՛չ էլ պաշտոնատար անձինք կոնկրետ տեղեկություն չեն հայտնելու, այլ դրանք 2022 թ. հունվարից սկսած, յուրաքանչյուր ամսվա վերջում հրապարակվելու են»։

Նշենք, որ Ա սերիայում ֆուտբոլիստների 98%-ն ամբողջությամբ պատվաստված է, ինչը եվրոպական թոփ-5 առաջնությունների շրջանակում լավագույն ցուցանիշն է։։

Ա սերիային հաջորդում են Լիգա 1-ը (95%), Բունդեսլիգան (94%) և Լա լիգան (90%)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022