Պրեմիեր լիգայի ակումբները ցանկանում են տևական ժամանակով դադարեցնել առաջնությունը

Պրեմիեր լիգայի ակումբները ցանկանում են տևական ժամանակով դադարեցնել առաջնությունը

17/12/2021 - 19:58

Կորոնավիրուսի համաճարակը շարունակում է լուրջ վնասներ հասցնել համաշխարհային ֆուտբոլին. դեկտեմբերի 16-ին հայտնի դարձավ, որ Պրեմիեր լիգայի 18-րդ տուրի հանդիպումների ուղիղ կեսը հետաձգվել է։

Ինչպես տեղեկացնում է ESPN-ը, այժմ Պրեմիեր լիգայի ակումբները ցանկանում են հասնել նրան, որ առաջնությունը տևական ժամանակով դադարեցվի։

Ակումբները կարծում են, որ եթե ցանկանում են հաղթահարել ստեղծված իրավիճակը, ապա պետք է մինչև ամանոր հետաձգել առաջնության խաղերը։

Պրեմիեր լիգայի ղեկավարությունն էլ հայտնել է, որ վարակման դեպքերի թվի կտրուկ աճը պայմանավորված է կոնորավիրուսի օմիկրոն շտամի տարածման հետ։

Իրադարձությունների զարգացման հավանական տարբերակների թվում է, որ ԱՊԼ-ի ղեկավարությունը կորոշի մինչև հունվարի 8-9-ը դադարեցնել առաջնության հանդիպումները, իսկ այդ օրերին վերսկել անցկացնել պաշտոնական հանդիպումները, քանի որ պետք է տեղի ունենա Անգլիայի գավաթի 3-րդ փուլը։

Եթե, ի վերջո, Պրեմիեր լիգան դադարեցնի առաջնությունը, ապա ստիպված կլինի հետաձգել 4 տուրի հանդիպումներ։ Սպասվում է, որ առաջնությունը կվերսկսվի հունվարի 15-ին։

Հաղորդվում է, որ ներկա պահին Պրեմիեր լիգան մտադիր է հնարավորինս հետևել ընթացիկ մրցաշրջանի օրացույցին, սակայն լիգայի առաջնահերթությունը մնում է բոլոր ակումբների անվտանգությունն ու առողջությունը։

Հիշեցնենք, որ դեկտեմբերի 12-ից սկսած` Պրեմիեր լիգայի շրջանակում հետաձգվել է արդեն 9 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022