ՊՍԺ-ն աշխատում է ևս  մեկ տրանսֆերի ուղղությամբ

ՊՍԺ-ն աշխատում է ևս մեկ տրանսֆերի ուղղությամբ

18/06/2022 - 17:14

ՊՍԺ-ն «Պորտուի» կիսապաշտպան Վիտինիայի տրանսֆերն ավարտին հասցնելուց հետո աշխատում է ևս մեկ գործարքի ուղղությամբ։

Ինչպես տեղեկացնում է ինսյադեր Նիկոլո Սկիրան, փարիզյան ակումբը լրջորեն հետաքրքրված է «Սասուոլոյի» հարձակվող Ջանլուկա Սկամակայի ծառայություններով։

«Ներովերդին» արդեն մերժել է «Փարիզի» առաջին առաջարկը, որը կազմում էր 30 մլն եվրո + տարբեր հավելավճարներ։

Այժմ ՊՍԺ-ն նոր առաջարկ է պատրաստում և մտադիր է բարելավել այն` հասցնելով մինչև 45 մլն եվրոյի։

Աղբյուրի փոխանցմամբ` «Պարի Սեն-Ժերմենը» փորձում է 22-ամյա ֆուտբոլիստի հետ համաձայնեցնել նաև անձնական պայմանագիր։

Նշվում է, որ ֆրանսիական ակումբը Սկամակային առաջարկել է 5 տարվա պայմանագիր` տարեկան 3.5 մլն եվրո աշխատավարձով։

Սպասվում է, որ ՊՍժ-ի ղեկավարությունն առաջիկա օրերին կրկին հանդիպումներ կունենա ինչպես «Սասուոլոյի», այնպես էլ Սկամակայի ներկայացուցիչների հետ։

Հավելենք, Ա սերիայի 2021/22 մրցաշրջանում երիտասարդ ֆուտբոլիստն, անցկացրած 36 խաղում, դարձել է 16 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022