Պորտուգալիայի կատարյալ արդյունքը. Ռոնալդուն և ընկերները հաղթեցին նաև Եվրոյի որակավորման փուլի վերջին խաղում🎥
Եվրո-2024-ի որակավորման փուլի վերջին` 10-րդ տուրում Պորտուգալիայի հավաքականը J խմբի շրջանակում Լիսաբոնի «Ժոզե Ալվալադե» մարզադաշտում մրցեց Իսլանդիայի ընտրանու դեմ։
Հանդիպման ողջ ընթացքում պորտուգալացիներն ունեին տոտալ առաբելություն` «վիկինգներին» հաղթելով 2:0 հաշվով։
Ռոբերտո Մարտինեսի թիմից աչքի ընկան Բրունու Ֆերնանդեշն ու Ռիկարդու Օրտան։
J խմբում կայացել է ևս երկու հանդիպում.
Բոսնիա և Հերցեգովինա 1:2 Սլովակիա
Լիխտենշտեյն 0:1 Լյուքսեմբուրգ
Խումբը վերջնական ստացավ հետևյալ տեսքը.
- Պորտուգալիա – 30 միավոր
- Սլովակիա – 22
- Լյուքսեմբուրգ – 17
- Իսլանդիա – 10
- Բոսնիա – 9
- Լիխտենշտեյն – 0
Նշենք, որ Պորտուգալիայի հավաքականը հաղթեց որակավորման փուլի շրջանակում անցկացրած բոլոր 10 հանդիպումներում էլ։
Ավելացնենք, որ այս խմբի Եվրո-2024-ի ուզեգիր նվաճեցին Պորտուգալիայի և Սլովակիայի հավաքականները։
Լյուքաեմբուրգն ու Բոսնիան մասնակցելու են Ազգերի լիգայի փլեյ-օֆֆ-ին և դեռևս պահպանում են հնարավորություն հայտնվել Եվրոպայի առաջնության խմբային փուլում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am