Պեդրին ճանաչվել է Եվրո-2020-ի լավագույն երիտասարդ ֆուտբոլիստ

Ինչպես տեղակացնում է ՈՒԵՖԱ-ի պաշտոնական կայքը, Իսպանիայի հավաքականի կիսապաշտպան Պեդրին ճանաչվել է Եվրո-2020-ի լավագույն երիտասարդ ֆուտբոլիստ։

Պեդրին նախքան Եվրոպայի առաջնությունը Իսպանիայի հավաքականի կազմում ընդամենը 4 հանդիպում էր անցկացրել, սակայն Եվրո-2020-ի շրջանակում բաց է թողել 1 րոպե, երբ Շվեյցարիայի դեմ կայացած քառորդ եզրափակչի 119-րդ րոպեին փոխարինվեց 11-մետրանոց հարվածաշարից առաջ, որի միջոցով էլ «ֆուրիա ռոխան» հաղթեց մրցակցին։

18-ամյա ֆուտբոլիստը ողջ մրցաշարի ընթացքում դաշտում անցկացրել է 629 րոպե, այդ ընթացքում հաղթահարել է 76.1 կմ, որից 38.23 կմ-ն եղել է գնդակով, իսկ նըա փոխանցումների ճշգրտությունը կազմել է 92.3%։

Հատկապես տպավորիչ էր Պեդրիի մրցելույթը մրցաշարի կիսաեզրափակչի շրջանակում Իտալիայի հավաքականի դեմ կայացած խաղում, երբ նա դաշտում անցկացրեց 120 րոպե ու կատարած 66 փոխանցումներից 65-ը գտել են իրենց հասցեատիրոջը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am