Պաշտոնական. Վահան Բիչախչյանը փոխեց ակումբային գրանցումը

Պաշտոնական. Վահան Բիչախչյանը փոխեց ակումբային գրանցումը

10/01/2022 - 18:54

Ինչպես տեղեկացնում է լեհական Էկստրակլասան ներկայացնող «Պոգոն Շեցինի» պաշտոնական կայքը, ակումբը պայմանագիր է կնքել հայազգի կիսապաշտպան Վահան Բիչախչյանի հետ։

Կողմերի միջև կնքված պայմանագիրն ուժի մեջ կլինի մինչև 2025 թ. հունիսի 30-ը։

Նոր ակումբի կազմում Վահանը հանդես կգա «22» համարի մարզաշապիկով։

Հիշեցնենք, որ 22-ամյա ֆուտբոլիստը 2017 թ. հուլիսից հանդես էր գալիս Սլովակիան ներկայացնող «Ժիլինայի» կազմում, որի մարզաշապիկով անցկացրել է 83 հանդիպում` դառնալով 24 գոլի և 16 գոլային փոխանցման հեղինակ։

Հավելենք, որ «Պոգոնը» Էկստրակլասայի ընթացիկ մրցաշրջանում անցկացրած 17 խաղից հետո վաստակել է 37 միավոր և զբաղեցնում է 2-րդ հորիզոնականը` առաջատար «Լեխին» զիջելով 4 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022